વારાણસીમાં સ્કીલ ઈન્ડિયા ઈન્ટરનેશનલ સેન્ટર

સ્કીલ ઈન્ડિયા ઈન્ટરનેશનલ સેન્ટર

ભારત અને UAEએ વારાણસીમાં સ્કીલ ઈન્ડિયા ઈન્ટરનેશનલ સેન્ટરની સ્થાપના માટે એમઓયુ પર હસ્તાક્ષર કર્યા.

ભારતના નેશનલ સ્કીલ ડેવલપમેન્ટ કોર્પોરેશન (NSDC), હિન્દુસ્તાન પોર્ટ્સ પ્રાઈવેટ લિમિટેડ અને યુએઈના ડીપી વર્લ્ડ વચ્ચે એમઓયુ પર હસ્તાક્ષર કરવામાં આવ્યા હતા.

સ્કિલ ઈન્ડિયા ઈન્ટરનેશનલ સેન્ટર ભારતીય યુવાનોને લોજિસ્ટિક્સ, પોર્ટ ઓપરેશન્સ અને સંલગ્ન ક્ષેત્રોમાં રોજગારીની તકો મેળવવા માટે કૌશલ્ય પ્રદાન કરશે.

સંયુક્ત આરબ અમીરાત (UAE), કેનેડા, ઓસ્ટ્રેલિયા વગેરે દેશોમાં આંતરરાષ્ટ્રીય નોકરીદાતાઓની માંગ મુજબ તાલીમ આપવામાં આવશે.

કેન્દ્રમાં સંસ્થાઓ અને વિદેશી નોકરીદાતાઓનું વિશાળ નેટવર્ક હશે.

સ્કિલ ઇન્ડિયા ઇન્ટરનેશનલ સેન્ટર દ્વારા વિદેશી ભાષાની તાલીમ, પ્લેસમેન્ટ અને ઇમિગ્રેશન અને પોસ્ટ પ્લેસમેન્ટ સપોર્ટ જેવી સેવાઓ પૂરી પાડવામાં આવશે.

ભારત અને સંયુક્ત આરબ અમીરાતના નેતાઓએ UAEમાં ભારતીય કૌશલ્ય કેન્દ્રો દ્વારા જારી કરાયેલા પ્રમાણપત્રોની માન્યતા અંગે પણ ચર્ચા કરી હતી.