અજય ભાદુ ભારતના નાયબ ચૂંટણી કમિશનર

કેબિનેટની નિમણૂક સમિતિએ અજય ભાદુની ભારતના નાયબ ચૂંટણી કમિશનર તરીકે નિમણૂકને મંજૂરી આપી દીધી છે.
અજય ભાદુ ગુજરાત કેડરના 1999 બેચના આઈએએસ અધિકારી છે.
તેમને નાયબ ચૂંટણી કમિશનર, ECI તરીકે આ પદનો હવાલો સંભાળવાની તારીખથી 24/07/2024 સુધી અથવા આગામી આદેશો, બેમાંથી જે વહેલું હોય ત્યાં સુધી ઇસીઆઈના નાયબ ચૂંટણી કમિશનર તરીકે નિયુક્ત કરવામાં આવ્યા છે.
આ પહેલા જુલાઈ 2020માં તેમને પૂર્વ રાષ્ટ્રપતિ રામનાથ કોવિંદના સંયુક્ત સચિવ તરીકે નિયુક્ત કરવામાં આવ્યા હતા.
નાયબ ચૂંટણી કમિશનર ભારતીય ચૂંટણી પંચ (ઇસીઆઈ)ને મદદ કરે છે. તેઓ સિવિલ સર્વિસમાંથી લેવામાં આવે છે. તેમની નિમણૂક ચૂંટણી પંચ દ્વારા કાર્યકાળ પ્રણાલી સાથે કરવામાં આવે છે.